Əməyin mühafizəsi ilə bağlı növbəti maarifləndirmə tədbiri Naxçıvanda keçirilib

Azərbaycan Respublikasının Əmək və Əhalinin Sosial Müdafiəsi Nazirliyi və Nazirlik yanında Dövlət Əmək Müfəttişliyi Xidməti işəgötürənlər üçün Naxçıvanda maarifləndirmə tədbiri keçirib.

Tədbirdəi şçi sayı çox olan, ağır, zərərli və təhlükəli sahələrdə fəaliyyət göstərən 58 dövlət vəqeyri-dövlət müəssisəsindən 70 nümayəndə iştirak edib.

“İş yerlərində əməyin mühafizəsi”, “Əmək Məcəlləsinə edilmiş son dəyişikliklər”, “Uşaqların əmək hüquqları, məcburi əmək və insan alverinin qarşısının alınması” mövzularında keçirilən görüşdə Əmək və Əhalinin Sosial Müdafiəsi Nazirliyinin Əmək Siyasəti şöbəsinin və Xidmətin (DƏMX) tabeliyindəki Əməyin Mühafizəsi Mərkəzinin Naxçıvan filialının əməkdaşı iş yerlərində əməyin mühafizəsinin təşkili ilə bağlı təqdimatlarla çıxış ediblər.

Görüşdə işəgötürənlərə əməyin təhlükəsizliyi və gigiyenası, iş yerlərinin attestasiyası haqqında, Əmək Məcəlləsinə edilmiş son dəyişikliklər, Əməyin Mühafizəsi Mərkəzinin fəaliyyəti, habelə əməyin mühafizəsi üzrə yeni qəbul edilmiş standartlar ilə bağlı ətraflı məlumatlar verilib.

Bundan əlavə, Naxçıvan Muxtar Respublikasının Dövlət Əmək Müfəttişliyi Xidmətinin əməkdaşı uşaqların əmək hüquqları, məcburi əmək və insan alverinin qarşısının alınması ilə bağlı təqdimat vasitəsilə çıxış edib.

Uşaq əməyinin istismarı, məcburi əmək və insan alverinə qarşı əmək qanunvericiliyinin tələbləri tədbir iştirakçılarının diqqətinə çatdırılıb. Sonda müzakirə olunan mövzularla bağlı iştirakçıların sualları cavablandırılıb.