İsmayıllıda əmək qanunvericiliyi və əməyin mühafizəsi üzrə maarifləndirmə tədbiri keçirilib

Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidməti İsmayıllıda işəgötürənlər üçün “Əməkhaqqının ödənilməsinin formaları, qaydaları və əməkhaqqından tutulmalar” və “İş yerlərində əməyin mühafizəsi” mövzularında maarifləndirici tədbir təşkil edib.

Tədbirdə Nazirliyin tabeleyindəki Dövlət Məşğulluq Agentliyinin, Dövlət Sosial Müdafiə Fondunun və Sosial Xidmətlər Agentliyinin və Xidmətin Dağlıq Şirvan regional şöbəsinin əhatə etdiyi rayonlardan dövlət və özəl sektora aid müəssisə və təşkilatları təmsil edən 100-ə yaxın nümayəndə iştirak edib.

Çıxışlarda Dövlət Əmək Müfəttişliyi Xidməti tərəfindən keçirilən maarifləndirmə tədbirlərinin əhəmiyyəti vurğulanıb, əmək qanunvericiliyinə əməl olunmasının vacibliyi diqqətə çatdırılıb.

Təlim çərçivəsində iştirakçılara əməkhaqqının ödənilməsinin formaları və qaydaları, əməkhaqqından tutulmaların tətbiqi mexanizmləri ətraflı izah edilib.

Eyni zamanda, Əməyin Mühafizəsi Mərkəzinin fəaliyyət istiqamətləri, müəssisələrdə əməyin mühafizəsi üzrə standart və normaların tətbiqinə göstərilən metodiki dəstək barədə məlumat verilib. Yeni qəbul edilmiş standartlar haqqında da iştirakçılar məlumatlandırılıb.

Sonda mövzularla bağlı iştirakçıların sualları cavablandırılıb.