Naxçıvanda bərbər-manikür peşəsi üzrə kursa cəlb edilmiş müdavimlər üçün maarifləndirmə təlimi keçirilib

Naxçıvan Regional Peşə Hazırlığı Mərkəzində bərbər-manikür peşəsi üzrə kursa cəlb edilmiş müdavimlər üçün “Əməyin mühafizəsi üzrə ümumi anlayışlar, yanğın təhlükəsizliyi və ilkin yardım qaydaları” mövzusunda növbəti maarifləndirmə təlimi təşkil olunub.

Əməyin Mühafizəsi Mərkəzinin Naxçıvan filialı tərəfindən təşkil edilən təlimdə 31 nəfər iştirak edib.

Təlim zamanı əməyin mühafizəsi üzrə ümumi tələblər, sağlam və təhlükəsiz əmək şəraitinin yaradılması, müəssisələrdə müvafiq norma və qaydaların tətbiqi, həmçinin yanğın təhlükəsizliyi və ilk yardım qaydaları barədə ətraflı məlumat verilib.

Təlimin sonunda iştirakçıları maraqlandıran suallar cavablandırılıb və mövzu ətrafında fikir mübadiləsi aparılıb.