Naxçıvanda əməyin mühafizəsi, texniki təhlükəsizlik və iş yerlərinin attestasiyası mövzusunda müzakirə aparılıb

Naxçıvan Muxtar Respublikasında “İş yerlərində əməyin mühafizəsi, texniki təhlükəsizlik və iş yerlərinin attestasiyası” mövzusunda növbəti maarifləndirici təlim keçirilib.

Təlim Naxçıvan Şəhər İcra Hakimiyyətində, Naxçıvan Muxtar Respublikasının Əməyin Mühafizəsi Mərkəzinin Naxçıvan filialı və Naxçıvan Təlim Mərkəzinin birgə təşkilatçılığı ilə baş tutub.

Maarifləndirici tədbirdə Naxçıvan Şəhər İcra Hakimiyyəti və ona tabeli qurumları təmsil edən 22 nəfər iştirak edib.

Təlim zamanı Mərkəzin əməkdaşları təqdimatlarla çıxış edərək işçilərin əməyinin mühafizəsi, sağlam və təhlükəsiz əmək şəraitinin təmin edilməsi, eləcə də mövcud qanunvericiliyin tələbləri barədə ətraflı məlumat veriblər.

Bundan əlavə, müəssisələrdə əməyin mühafizəsi üzrə standart, norma və qaydaların tətbiqi, Əməyin Mühafizəsi Mərkəzinin fəaliyyət istiqamətləri və göstərdiyi metodiki dəstək barədə məlumat təqdim olunub.

Təlimin sonunda iştirakçıların mövzu ilə bağlı sualları cavablandırılıb.