Naxçıvanda əməyin mühafizəsi və texniki təhlükəsizlik üzrə növbəti maarifləndirici təlimi keçirilib

Naxçıvan Muxtar Respublikasında “İş yerlərində əməyin mühafizəsi, texniki təhlükəsizlik, iş yerlərinin attestasiyası və icbari sığorta” mövzusunda növbəti maarifləndirmə təlimi keçirilib.

Təlim Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidmətinin tabeliyində fəaliyyət göstərən Əməyin Mühafizəsi Mərkəzinin Naxçıvan filialının təşkilatçılığı ilə baş tutub.

Maarifləndirmə tədbirində 1 müəssisədən 17 əməkdaş iştirak edib.

Görüş zamanı Mərkəzin əməkdaşları təqdimatlarla çıxış edərək iştirakçılara işçilərin əməyinin mühafizəsi, onların sağlam və təhlükəsiz əmək şəraitinin təmin olunması barədə ətraflı məlumat veriblər. Təlimdə, həmçinin müəssisələrdə əməyin mühafizəsi üzrə standart, norma və qaydaların tətbiqi, eləcə də Əməyin Mühafizəsi Mərkəzinin fəaliyyət istiqamətləri barədə iştirakçılar məlumatlandırılıblar.

Sonda mövzu ilə bağlı iştirakçıların sualları cavablandırılıb və onları maraqlandıran məsələlərə aydınlıq gətirilib.