Naxçıvanda ümumi təhsil məktəbində maarifləndirmə təlimi keçirilib

Naxçıvan şəhəri H. Cavid adına 5 nömrəli tam orta məktəbdə “Əməyin mühafizəsinə dair ümumi tələblər, istehsalatda baş verən bədbəxt hadisələr, yanğın təhlükəsizliyi və ilk yardım qaydaları” mövzusunda növbəti maarifləndirmə təlimi təşkil olunub.

Təlim Əməyin Mühafizəsi Mərkəzinin Naxçıvan filialı və “Naxçıvan Təlim Mərkəzi” publik hüquqi şəxsin birgə təşkilatçılığı ilə keçirilib. Təlimdə ümumilikdə 61 nəfər iştirak edib.

Tədbir çərçivəsində iştirakçılara əməyin mühafizəsi üzrə ümumi tələblər, sağlam və təhlükəsiz iş mühitinin yaradılması, müəssisələrdə norma və qaydaların tətbiqi, eləcə də yeni qəbul edilmiş standartlar barədə ətraflı məlumat verilib. Bununla yanaşı, Mərkəzin fəaliyyət istiqamətləri də iştirakçıların diqqətinə çatdırılıb.

Təlimin sonunda iştirakçıların sualları cavablandırılıb və mövzu ətrafında fikir mübadiləsi aparılıb.