Naxçıvandakı təhsil müəssisələrində əməyin mühafizəsi mövzusunda maarifləndirmə təlimləri davam edir

Naxçıvanda “Əməyin mühafizəsi üzrə ümumi anlayışlar, elektrik və yanğın təhlükəsizliyi, ilk yardım qaydaları” mövzusunda növbəti təlim təşkil olunub.

Təlim Naxçıvan şəhər 3 nömrəli tam orta məktəbdə keçirilib və müəllim və şagirdlərdən ibarət 85 nəfər iştirak edib.

Əməyin Mühafizəsi Mərkəzinin Naxçıvan filialı və “Naxçıvan Təlim Mərkəzi” publik hüquqi şəxsin birgə təşkilatçılığı ilə keçirilən tədbirdə əməyin mühafizəsi üzrə ümumi anlayışlar, elektrik və yanğın təhlükəsizliyi qaydaları, həmçinin ilk yardımın göstərilməsi prinsipləri barədə ətraflı məlumat verilib. Eyni zamanda təhlükəsiz mühitin formalaşdırılması və mövcud norma və qaydalara əməl olunmasının vacibliyi iştirakçıların diqqətinə çatdırılıb.

Təlimin sonunda iştirakçıları maraqlandıran suallar cavablandırılıb və mövzu ətrafında fikir mübadiləsi aparılıb.