Növbəli iş vaxtı və gecə növbəsi təşkil edilərkən işçinin ailə vəzifələri ilə bağlı ehtiyacları nəzərə alınmalıdırmı?

İş yerlərində növbəli iş vaxtı rejimi təşkil edilərkən və gecə növbəsinə işə təyin edilərkən, işçilərin ailə vəzifələrinin yerinə yetirilməsi ilə əlaqədar ehtiyacları əsaslandırıldığı halda işəgötürən tərəfindən onun bu ehtiyacları mümkün olduqda nəzərə alınmalıdır.

Bu ilin əvvəlindən əmək qanunvericiliyində edilmiş son dəyişikliklərdən biri də bununla bağlıdır.

Belə ki, Əmək Məcəlləsinə "Ailə vəzifələri olan işçi" anlayışı daxil edilib ki, bu anlayış  qulluğa və ya köməyə ehtiyacı olan ailə üzvünə qulluq, köməklik  göstərilməsi ilə əlaqədar olaraq əmək fəaliyyətinə başlamaq, əmək funksiyasını yerinə yetirmək imkanları məhdudlaşan işçini nəzərdə tutur.

Məcəllədə həmin kateqoriyadan olan işçilərə işəgötürən tərəfindən əmək münasibətlərində güzəşt, imtiyaz və əlavə təminatların verilməsinin ayrı-seçkilik hesab edilmədiyi də bildirilir.