Qubada məktəblilər uşaqların əmək hüquqları mövzusunda maarifləndirilib

Quba rayonu Rəhman Məmmədov adına Alekseyevka kənd tam orta məktəbində uşaqların əmək hüquqlarına dair maarifləndirici tədbir keçirilib.

“Uşaq Hüquqları Aylığı” çərçivəsində təşkil olunan tədbirdə Dövlət Əmək Müfəttişliyi Xidmətinin Quba–Xaçmaz regional şöbəsinin, Ombudsmanın Şimal Regional Mərkəzinin və Quba–Xaçmaz Regional Təhsil İdarəsinin əməkdaşları, eləcə də məktəbin pedaqoji kollektivi və şagirdlər iştirak ediblər.

Tədbirdə uşaq əməyinin istismarına qarşı mübarizənin əhəmiyyəti, uşaqların əmək hüquqlarının qorunması istiqamətində görülən işlər, eləcə də məcburi əmək və insan alverinin qarşısının alınması üçün birgə tədbirlərin vacibliyi vurğulanıb.