Şəhid baş leytenant Sübhan Məmmədlinin ailəsi ziyarət edilib

Şəhid baş leytenant Sübhan Məmmədlinin ailəsi ziyarət edilib

Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidmətinin Bakı şəhər idarəsinin rəhbər heyəti şəhid baş leytenant Sübhan Məmmədlinin Bakının Ramana qəsəbəsində yaşayan ailəsini ziyarət edib.

Sübhan Məmmədli 2020-ci il 27 sentyabrda başlanan Vətən müharibəsində, cəbhənin ön xəttinə yollanaraq orada qəhrəmanlıq göstərib. Düşmənin keçilməz hesab edilən bir neçə postunu ələ keçirib. O, Füzuli rayonu uğrunda döyüşlərdə şəhid olub.

Azərbaycan Respublikasının Prezidenti İlham Əliyevin müvafiq Sərəncamlarına əsasən Sübhan Məmmədli ölümündən sonra "Vətən uğrunda", "Füzulinin azad olunmasına görə", "III dərəcəli Rəşadət" medalları ilə təltif edilib.

Şəhid ailəsinə müvafiq sosial ödənişlər təyin edilib və ailə digər sosial dəstək tədbirləri ilə əhatə olunub.

Görüşdə şəhid Sübah Məmmədlinin haqq savaşımızda göstərdiyi igidliklərdən bəhs olunub. Bütün şəhidlərimiz kimi, S.Məmmədlinin da xatirəsinin daim xalqımızın qəlbində yaşayacağı, ailəsinin bundan sonra da həmişə qayğı ilə əhatə olunacağı diqqətə çatdırılıb.