Şəhid Elnur Vəliyevin Ucar şəhərində yaşayan ailəsi ilə görüş olub

Şəhid Elnur Vəliyevin Ucar şəhərində yaşayan ailəsi ilə görüş olub

Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidmətinin əməkdaşları 44 günlük Vətən müharibəsində Xocavənd istiqamətində gedən döyüşlərdə şəhid olmuş Vəliyev Elnur Əli oğlunun Ucar şəhərində yaşayan ailəsini ziyarət ediblər.

Azərbaycan Prezidenti İlham Əliyevin Sərəncamlarına əsasən Elnur Vəliyev ölümündən sonra “Vətən Uğrunda”, "Vətən müharibəsi iştirakçısı”, “Kəlbəcərin azad edilməsinə görə”, “Cəbrayılın azad edilməsinə görə”, “Xocavəndin azad edilməsinə görə”, “Füzulinin azad edilməsinə görə” və "Şücaətə görə” medalıları ilə təltif edilib.

Ailə ilə söhbət zamanı şəhidin keçdiyi şərəfli döyüş yolundan bəhs olunub, onun xatirəsinin əbədi olaraq yaşayacağı vurğulanıb. Ailənin sosial vəziyyəti ilə maraqlanılıb.

Bildirilib ki, bütün şəhid ailələrinə, o cümlədən E.Vəliyevin ailəsinə dövlətimiz tərəfindən daim diqqət və qayğı göstərilir. Şəhid ailəsinə sosial ödənişlər təyin edilib.

Şəhidin ailəsinin sosial vəziyyətinin bundan sonra da həmişə diqqətdə saxlanacağı vurğulanıb.