Təhsil müəssisələrində əməyin mühafizəsinə dair maarifləndirmə tədbirlərinə start verilib

Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidməti tərəfindən təhsil müəssisələrində əməyin mühafizəsi sahəsində maarifləndirmə işlərinin gücləndirilməsi məqsədilə tədbirlərə start verilib.

Azərbaycan Dövlət Pedaqoji Universitetinin Biologiya fakültəsində təşkil olunan ilk tədbirdə 50 tələbə iştirak edib.

Əməyin Mühafizəsi Mərkəzinin əməkdaşı tərəfindən keçirilən görüşdə tələbələrə əməyin mühafizəsinin əhəmiyyəti, istehsalatda təhlükəsizliyin təmin olunması qaydaları, həmçinin əmək fəaliyyətində hüquq və vəzifələr barədə geniş məlumat verilib. Əməyin mühafizəsi qaydalarının düzgün tətbiqinin əməkdaşların sağlamlığının qorunması və istehsalatda səmərəliliyin artırılmasında mühüm rol oynadığını vurğulayıb.

Sonda mövzularla bağlı fikir mübadiləsi aparılıb və iştirakçıları maraqlandığı suallar cavablandırılıb.