Türkiyə Respublikası Əmək və Sosial Müdafiə Nazirliyinin Əməyin Mühafizəsi və Təhlükəsizliyi Baş İdarəsinin nümayəndə heyəti ilə görüş keçirilib

Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidmətinin nümayəndə heyəti ilə Türkiyə Respublikası Əmək və Sosial Müdafiə Nazirliyinin Əməyin Mühafizəsi və Təhlükəsizliyi Baş İdarəsinin nümayəndə heyəti arasında görüş keçirilib.

Dövlət Əmək Müfəttişliyi Xidmətinin tabeliyində yeni yaradılmış “Əməyin Mühafizəsi Mərkəzi”nin fəaliyyətinin təşkili, iş yerlərinin attestasiyasın keçirilməsi xidməti üzrə tərəflər arasında məlumat mübadiləsi aparılıb.

Əməyin Mühafizəsi Mərkəzinin fəaliyyətinin daha da təkmilləşdirilməsi və əməyin mühafizəsi istiqamətində hər iki ölkə arasında əməkdaşlığın genişləndirlməsi imkanları müzakirə edilib.

Sonda hər iki qurum arasında əməkdaşlığın genişləndirilməsi üçün nümayəndə heyətlərinin qarşılıqlı olaraq ölkələrə səfəri razılaşdırılıb.